Էքլսթոունից կաշառք վերցնելու համար՝ 8,5 տարվա ազատազրկում
21:29 27 հունիսի, 2012Մյունխենի դատարանը նախկին բանկիր Գերհարդ Գրիբկովսկուն մեղավոր է ճանաչել մի քանի տարի առաջ «Ֆորմուլա-1»-ի կոմերցիոն իրավունքների վաճառքի ժամանակ ավտոարշավի աշխարհի առաջնության պրոմոուտեր Բերնի Էքլսթոունից կաշառք վերցնելու համար եւ դատապարտել է 8,5 տարվա ազատազրկման:
Էկլստոունը պնդել է, որ այդ գումարները Գրիբկովսկուն վճարել է ոչ թե որպես կաշառք, այլ որովհետեւ վերջինս նրան սպառնացել է, թե բրիտանական հարկային մարմինների հետ լուրջ խնդիրներ կունենա:
Սակայն Գրիբկովսկու գործի լսումների ընթացքում դատախազը իր եզրափակիչ խոսքում Էքլստոունին համարել է հանցագործության մասնակից, այլ ոչ թե դրամաշորթության զոհ, տեղեկացնում է gazeta.ru-ն: Այդ կապակցությամբ հավանաբար շուտով 81-ամյա Էքլսթոունին կաշառք տալու մեղադրանք կներկայացվի:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։