Բասկետբոլիստն իր եզակի հոնքերը դարձրել է ապրանքանիշ
19:46 27 հունիսի, 2012Կենտուկիի համալսարանի բասկետբոլիստ Էնտոնի Դեւիսը, որին Բասկետբոլի ազգային ասոցիացիայի (NBA) դրաֆտի ժամանակ ընտրելու են ընդհանուր առաջին համարի տակ, իր բացառիկ միահյուսված հոնքերը դարձրել է առեւտրային նշան:
NBA-ում իր նորամուտից առաջ Դեւիսը գրանցել է «Վախեցիր, հոնք» եւ «Բարձր հոնք» ապրանքանիշերը, տեղեկացնում է cnbc.com-ը:
Իր այս քայլը մարզիկը բացատրել է հետեւյալ կերպ. «Ես չեմ ցանկանում, որ որեւէ մեկը ինձ նայելով, իրեն էլ այսպիսի հոնքեր աճեցներ, իսկ հետո դրա վրա մի ամբողջ կարողություն վաստակեր: Մենք ընտանիքով որոշել ենք դա ինքներս անել, որովհետեւ այն եզակի է»:
Դեւիսը համոզված է, որ իր հոնքերը բիզնեսի համար անսահմանափակ հնարավորություններ են բացում եւ կարող են մի քանի միլիոն դոլար եկամուտ բերել:
Դեռ համալսարանում շատերը նրան խորհուրդ էին տալիս հոնքերը հանել, սակայն նա կտրականապես մերժել է` իր համառությունը բացատրելով մի պատճառով. «Դրա մասին խոսում են բոլորը»:
«Ես թիմ եկա, եւ տղաները անմիջապես ինձ ասացին, որ իմ հոնքերը զզվելի տեսք ունեն, խորհուրդ տվեցին դրան անհապաղ խուզել: Ես մտածել եմ դրա մասին, սակայն հետո հասկացել եմ, որ դա իմ բնորոշ գիծն է: Եվ ուրեմն, թող դա լինի իմ ապրանքանիշը»,- նշել է Դեւիսը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.