Արթուր Աբրահամ. Հաղթանակս կնվիրեմ հայ զինվորին
17:10 9 ապրիլի, 2016Հաղթանակս կնվիրեմ հայ զինվորներին: Զորակցությունս եմ հայտնում մեր տղաներին: Մենք ամենաուժեղն ենք, մեզ հնարավոր չէ հաղթել:
Այս մասին NEWS.am Sport-ի թղթակցի հետ զրույցում Լաս Վեգասից ասաց պրոֆեսիոնալ բռնցքամարտի սուպերմիջին քաշային կարգում WBO վարկածով աշխարհի չեմպիոն Արթուր Աբրահամը, որն ապրիլի 9-ի գիշերը տիտղոսի պաշտպանության մենամարտ կանցկացնի մեքսիկացի Ջիլբերտո Ռամիրեսի հետ: 24-ամյա Ռամիրեսը մինչեւ օրս պարտություն չունի պրոֆեսիոնալ ռինգում (33 հաղթանակ):
Արթուր, մոտեցավ քո եւ երկրպագուներիդ այդքան սպասված օրը. մի քանի ժամից դուրս կգաս Լաս Վեգասի ռինգ: Ի՞նչ տրամարդություն եւ տրամարդվածություն ունես:
Բարձր տրամադրություն ունեմ, տրամադրվածությունս հաղթական է: Երկար եմ մարզվել նախքան այս մենամարտը: ԱՄՆ-ում եւս անց շատ լուրջ նախամենամարտային փուլ՝ սպարինգներ ու ամենօրյա մարզումներ: Շուտ էի եկել այստեղ, որպեսզի օրգանիզմս հարմարվեր ժամային գոտիների տարբերությանը, կլիմային: Ամեն ինչ կանեմ ԱՄՆ-ի ռինգում հաղթելու համար:
Հաղթելու դեպքում ո՞ւմ կնվիրես հաղթանակդ:
Հաղթանակս կնվիրեմ հայ զինվորներին: Զորակցությունս եմ հայտնում մեր տղաներին՝ հայոց զինվորներին, մենք ամենաուժեղն ենք, մեզ հնարավոր չէ հաղթել:
Մենամարտից հետո հնարավո՞ր է այցելես Հայաստան կամ Արցախ:
Իհարկե, հնարավոր է: Թե՛ Հայաստան, թե՛ Արցախ ես հաճախ եմ այցելում:
NEWS.am Sport-ը հաղթանակ է մաղթում քեզ:
Շնորհակալություն:
Լուսինե Շահբազյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.