Իհարկե, ուրախ եմ MGM Grand-ում Պակյաոյի մենամարտից առաջ ռինգ դուրս գալուն, ասել է սուպերմիջին քաշային կարգում WBO վարկածով աշխարհի չեմպիոն Արթուր Աբրահամը, որը ապրիլի 9-ին Լաս Վեգասում չեմպիոնական տիտղոսի պաշտպանության մենամարտում կպայքարի մեքսիկացի Ժիլբերտո Ռամիրեսի հետ։
«Պակյաոն մեծ պատմություն ունի։ Ութ քաշային կարգերում դարձել է չեմպիոն, նա պատմություն է կերտում, ես նույնպես կարող եմ պատմություն կերտել։
Ես հիշում եմ Մայք Թայսոնի, Խուլիո Սեզար Չավեսի մենամարտերը։ Լավագույններից լավագույնը Ֆլոյդ Մեյվեզեր կրտսերն է։ Նա ցույց տվեց, թե ինչի կարելի է հասնել բռնցքամարտում»,- Աբրահամի խոսքը մեջբերում է BoxingScene-ը։
Ապրիլի 9-ին Լաս Վեգասում կայանալիք պրոֆեսիոնալ բռնցքամարտի երեկոյի գլխավոր իրադարձությունը համարվում է ֆիլիպինցի Մենի Պակյաոյի եւ ամերիկացի Թիմոթի Բրեդլիի մենամարտը։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։