Զինաիդա Սիմոնյանի հուշամրցաշարի հաղթողները
18:44 4 ապրիլի, 2016Երեւանի հրաձգության մանկապատանեկան մարզադպրոցում ավարտվել է Զինաիդա Սիմոնյանի անվան 5-րդ հուշամրցաշարը: Ավանդական դարձած մրցաշարին այս տարի առաջին անգամ մասնակցում էր Վրաստանը ներկայացնող թիմը, հաղորդում է ՀԱՕԿ-ի լրատվական ծառայությունը:
Տղաների օդամղիչ հրացան վարժությունում առաջին տեղում Վրեժ Թորոսյանն է, երկրորդ եւ երրորդ տեղերը գրավեցին Հայկ Բաբայանը եւ Հրաչիկ Բաբայանը: Աղջիկների պայքարում եռյակում հայտնվեցին Ալլա Պողոսյանը, Մարիամ Միքայելյանը եւ Սվետլանա Տիգրանյանը:
Օդամղիչ ատրճանակ մրցաձեւում առաջին տեղում վրացի Ցոտնե Մաչավարիանին է, այնուհետ Ակակի Մոսուշվիլին եւ եռյակի վերջում Նորայր Առաքելյանն է: Աղջիկների պայքարում լավագույն արդյունք գրանցեց Օլիմպիական խաղերի չեմպիոն Նինո Սալուկվաձեն: Երկրորդ եւ երրորդ տեղերը համապատասխանաբար զբաղեցրին Էլմիրա Կարապետյանը եւ Գոհար Դանիելյանը:
Օդամղիչ հրացան` վազող թիրախ, նորմալ վազք վարժությունում ամենաբարձր միավորները հավաքեց Շանթ Սարգսյանը: Նրան հաջորդեցին Հովհաննես Խաչատրյանը եւ Ռազմիկ Մինասյանը: Աղջիկների պայքարի եռյակում հայտնվեցին Լիլիթ Մկրտչյանը, Գոհար Հարությունյանը եւ Լաուրա Ավետիսյանը։
Զինաիդա Սիմոնյանն աշխարհի քառակի, Եվրոպայի, Խորհրդային Միության եւ Հայաստանի բազմակի չեմպիոն է` 50-ից ավելի ռեկորդների հեղինակ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։