Դավիդ Յուրչենկոն՝ բարդ մանկության մասին
11:51 1 ապրիլի, 2016Մախաչկալայի «Անժիում» վարձավճարով հանդես եկող 30-ամյա դարպասապահ Դավիդ Յուրչենկոն պատմել է Թուրքմենստանում անցկացրած մանկության մասին:
«Նույնիսկ չեմ էլ հիշում իմ առաջին ֆուտբոլային խաղադաշտը: Ես այդ ժամանակ 6-7 ամսական էի: Մենք ապրում էինք Աշխաբադում, եւ իմ ավագ եղբայրը ֆուտբոլ էր խաղում: Դա մի տարածություն էր, որտեղ քարերով դարպաս էր դրված: Երբ մի քիչ մեծացա, սկսեցի գնդակ գլորել Աշխաբադի փողոցներում:
Թուրքմենստանում հանգիստ ժամանակներ չէին: Ես ունեի ռուսական դպրոց ու բակ, եւ մենք ապրում էինք ռուսական թաղամասում: Երբ թուրքմենները գալիս էին մեր հետ խաղալու, դա սարսափելի էր մեր համար: Եղել են շատ կոնֆլիկնտեր, թե դա ում խաղադաշտն է: Երբեմն դպրոցի մոտ մեզ սպասում էին մահակներով եւ ստիպված էինք փախչել բակերի միջով: Այնպես որ, ունեցել եմ պատմություն, որը նման է «Կորոբկա» ֆիլմին: Ընդ որում՝ ես միգրանտի դերում էի: Ես լավ հասկանում եմ, թե ինչ է նշանակում լինել հյուր»,- Յուրչենկոյի խոսքը մեջբերում է championat.com-ը:
Հիշեցնենք, որ «Անժին» մինչեւ այս մրցաշրջանի ավարտը վարձակալել է հայկական արմատներով դարպասապահին, որի տրանսֆերային իրավունքը պատկանում է Բաշկիրիայի «Ուֆային»: Ավելի վաղ Հայաստանի հավաքականի գլխավոր մարզիչ Վարուժան Սուքիասյանը հայտարարել էր, որ ռուսաստանցի դարպասապահին ազգային թիմ հրավիրելու եւս մեկ փորձ է արվելու, սակայն Յուրչենկոն բազմիցս նշել է, որ ցանկանում է խաղալ Ռուսաստանի հավաքականում:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.