Հավակնորդների մրցաշար. Լեւոն Արոնյանն ու Սերգեյ Կարյակինը դարձյալ չպարզեցին հաղթողին

22:49   27 մարտի, 2016

Մոսկվայում ավարտին մոտեցող շախմատի աշխարհի չեմպիոնի հավակնորդների մրցաշարի նախավերջին՝ 13-րդ տուրում Լեւոն Արոնյանը սպիտակներով ոչ ոքի խաղաց առաջատարներից Սերգեյ Կարյակինի հետ: Գրոսմայստերները խաղաղ դաշն կնքեցին 49-րդ քայլում: Կարյակինն ու Արոնյանը հաղթողին չէին պարզել նաեւ առաջին շրջանում:

Վերջին տուրից առաջ հայկական շախմատի առաջատարը հավաքել է 6.5 միավոր եւ բաժանում է 4-7-րդ տեղերը: Սերգեյ Կարյակինն ունի 7 միավոր եւ Ֆաբիանո Կարուանայի հետ գլխավորում է մրցաշարային աղյուսակը: Լեւոն Արոնյանի վերջին մրցակիցը Հիկարու Նակամուրան է, իսկ Կարուանան ու Կարյակինը 14-րդ տուրում կհանդիպեն իրար: 

Հավակնորդների մրցաշար, 13-րդ տուր

Լեւոն Արոնյան (Հայաստան) - Սերգեյ Կարյակին (Ռուսաստան)՝ 0.5:0.5

Վիշվանաթան Անանդ (Հնդկաստան) - Անիշ Գիրի (Հոլանդիա)՝ 0.5:0.5

Վեսելին Տոպալով (Բուլղարիա) - Հիկարու Նակամուրա (ԱՄՆ)՝ 0:1

Ֆաբիանո Կարուանա (ԱՄՆ) - Պյոտր Սվիդլեր (Ռուսաստան)՝ 0.5:0.5

Մրցաշարային դրությունը վերջին տուրից առաջ. Կարյակին, Կարուանա՝ 7.5-ական միավոր, Անանդ՝ 7, Արոնյան, Սվիդլեր, Գիրի, Նակամուրա՝ 6.5-ական, Տոպալով՝ 4:



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.