Ալեքսանդր Խացկեւիչ. Հայերը մեր մրցակիցներից նման են բուլղարացիներին
14:22 25 մարտի, 2016Ֆուտբոլի Բելառուսի ազգային հավաքականի գլխավոր մարզիչ Ալեքսանդր Խացկեւիչն անդրադարձել է Հայաստանի դեմ ընկերական խաղին, որը կկայանա մարտի 25-ին Վազգեն Սարգսյանի անվան «Հանրապետական» ստադիոնում եւ կսկսվի ժամը 19:00-ին:
«Դեռ չենք սկսել նպատակաուղղված պատրաստվել աշխարհի առաջնության ընտրական փուլին: Կարծում եմ՝ հայերը մեր մրցակիցներից նման են բուլղարացիներին: Դրանք հարավային թիմեր են, սիրում են աշխատել գնդակով, օգտագործում են կարճ ու միջին փոխանցումներ, պատ խաղ:
Ծրագրել ենք խաղալ ֆուտբոլ, ոչ միայն հարձակողական: Եթե հարձակվում ենք, ապա՝ ամբողջ թիմով, եթե պաշտպանվում ենք, դարձյալ՝ բոլորով: Ձգտում ենք հավասարակշռված ֆուտբոլի»,- մարզիչի խոսքը մեջբերում է pressball.by-ը:
Հիշեցնենք, որ Հայաստան - Բելառուս հանդիպումը կլինի Հայաստանի հավաքականի լեգենդար դարպասապահ Ռոման Բերեզովսկու հրաժեշտի խաղն ազգային թիմի կազմում: Հայաստանի հավաքականը հաղթանակ չի տարել նախորդ 13 խաղերում:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.