Հավակնորդների մրցաշար. Լեւոն Արոնյանի ցավալի պարտությունը
21:11 24 մարտի, 2016Մոսկվայում շարունակվող շախմատի աշխարհի չեմպիոնի հավակնորդների մրցաշարի 11-րդ տուրում Հայաստանի ներկայացուցիչ, հավաքականի առաջատար Լեւոն Արոնյանը սպիտակներով մրցեց ռուսաստանցի Պյոտր Սվիդլերի հետ եւ պարտություն կրեց 48-րդ քայլում, թեեւ պարտիայի ընթացքում առավելություն ուներ ու կարելի էր առնվազն ոչ ոքի ապահովել: Արոնյանը 5.5 միավորով մնաց ընթացիկ չորրորդ տեղում: Սվիդլերը 5.5 միավորով հավասարվեց Արոնյանին: Նույնքան միավոր ունի նաեւ հոլանդացի Անիշ Գիրին, որը միավորը կիսեց ամերիկացի Հիկարու Նակամուրայի հետ:
Ամերիկացի Ֆաբիանո Կարուանան ոչ ոքի է խաղացել բուլղարացի Վեսելին Տոպալովի հետ եւ 6.5 միավորով ընթացիկ առաջատարն է:
Առաջատարներ Վիշվանաթան Անանդի եւ Սերգեյ Կարյակինի պարտիան շարունակվում է:
Հաջորդ տուրում Արոնյանը սեւերով կմրցի Կարուանայի հետ:
Մրցաշարի ավարտին մնացել է երեք տուր:
Հավակնորդների մրցաշար, 11-րդ տուր
Լեւոն Արոնյան (Հայաստան) - Պյոտր Սվիդլեր (Ռուսաստան)՝ 0:1
Վիշվանաթան Անանդ (Հնդկաստան) - Սերգեյ Կարյակին (Ռուսաստան)
Վեսելին Տոպալով (Բուլղարիա) - Ֆաբիանո Կարուանա (ԱՄՆ)՝ 0.5:0.5
Անիշ Գիրի (Հոլանդիա) - Հիկարու Նակամուրա (ԱՄՆ)՝ 0.5:0.5
Մրցաշարային դրությունը 10-րդ տուրից հետո. Կարյակին, Կարուանա՝ 6-ական միավոր, Արոնյան, Անանդ՝ 5.5-ական, Գիրի՝ 5, Սվիդլեր՝ 4.5, Նակամուրա՝ 4, Տոպալով՝ 3.5:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.