Բելառուսի հավաքականի մարզիչը՝ Հայաստանի դեմ խաղի ու իր թիմի խնդիրների մասին
11:25 24 մարտի, 2016Ֆուտբոլի Բելառուսի հավաքականի գլխավոր մարզիչ Ալեքսանդր Խացկեւիչը խոսել է Հայաստանի եւ Չեռնոգորիայի դեմ առաջիկա ընկերական խաղերի մասին:
«Հայաստանի եւ Չեռնոգորիայի հավաքականները 2 տարբեր թիմեր են: Եթե հայերը սիրում են խաղը կառուցել՝ պաշտպանությունից արագ անցնելով հարձակմանը կարճ փոխանցումներով ու պատ խաղով, ապա Չեռնոգորիան նախապատվությունը տալիս է եզրերին՝ ցուցադրելով իր ֆուտբոլը: Չգիտեմ, թե ինչպես են նրանք խաղալու մեր դեմ: Դա կտեսնենք խաղերի ժամանակ:
Հանդիպումներին չեն մասնակցելու Պավել Նեխայչիկը, Մաքսիմ Բորդաչեւը, Իգոր Ստասեւիչը, որոնք ունեն վնասվածքներ: Ինչ վերաբերում է Ալեքսանդր Գլեբին, ապա նա հավաքից 2 շաբաթ ազաջ զանգեց եւ ասաց, որ կարող է առողջական խնդիրների պատճառով պատրաստ չլիներ հավաքականի խաղերին: Այդ պատճառով որոշեցինք չհրավիրել նրան: Անտոն Պուտիլոն էլ ունի առողջական ու ընտանեկան խնդիրներ»,- մարզիչի խոսքը մեջբերում է «Прессбол»:
Հիշեցնենք, որ Հայաստան - Բելառուս հանդիպումը կկայանա մարտի 25-ին Վազգեն Սարգսյանի անվան «Հանրապետական» ստադիոնում եւ կսկսվի ժամը 19:00-ին: Դա կլինի Հայաստանի հավաքականի լեգենդար դարպասապահ Ռոման Բերեզովսկու հրաժեշտի խաղն ազգային թիմի կազմում:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.