Հավակնորդների մրցաշար. Լեւոն Արոնյանը միավորը կիսեց Վեսելին Տոպալովի հետ

Մոսկվայում ընթացող շախմատի աշխարհի չեմպիոնի հավակնորդների մրցաշարում տեղի ունեցան 10-րդ տուրի պարտիաները: Հայաստանի հավաքականի առաջատար Լեւոն Արոնյանը սպիտակներով խաղաց մրցաշարի հետնապահ, բուլղարացի Վեսելին Տոպալովի հետ եւ 58-րդ քայլում համաձայնեց ոչ ոքիի: Արոնյանը 5.5 միավորով կիսում է 3-4-րդ տեղերը:

Ամերիկացի Ֆաբիանո Կարուանան սպիտակներով պարտության մատնեց աշխարհի նախկին չեմպիոն, հնդիկ Վիշվանաթան Անանդին եւ 6 միավորով հավասարվեց առաջատար, ռուսաստանցի Սերգեյ Կարյակինին, որը սպիտակներով միավորը կիսեց հոլանդացի Անիշ Գիրիի հետ:

Մարտի 24-ին կայանալիք 11-րդ տուրում Լեւոն Արոնյանը սպիտակներով կմրցի Պյոտր Սվիդլերի հետ: Մյուս պարտիաներում կխաղան Տոպալովն ու Կարուանան, Անանդն ու Կարյակինը, Գիրին ու Նակամուրան:

Մրցաշարի ավարտին մնացել է չորս տուր:

Հավակնորդների մրցաշար, 10-րդ տուր

Լեւոն Արոնյան (Հայաստան) - Վեսելին Տոպալով (Բուլղարիա)՝ 0.5:0.5

Սերգեյ Կարյակին (Ռուսաստան) - Անիշ Գիրի (Հոլանդիա)՝ 0.5:0.5 

Ֆաբիանո Կարուանա (ԱՄՆ) - Վիշվանաթան Անանդ (Հնդկաստան)՝ 1:0

Պյոտր Սվիդլեր (Ռուսաստան) - Հիկարու Նակամուրա (ԱՄՆ)՝ 0.5:0.5

Մրցաշարային դրությունը 10-րդ տուրից հետո. Կարյակին, Կարուանա՝ 6-ական միավոր, Անանդ, Արոնյան՝ 5.5-ական,  Գիրի՝ 5, Սվիդլեր՝ 4.5, Նակամուրա՝ 4, Տոպալով՝ 3.5: