Հավակնորդների մրցաշար. Արոնյանը դարձյալ ոչ ոքի խաղաց Գիրիի հետ

Մոսկվայում շարունակվող շախմատի աշխարհի չեմպիոնի հավակնորդների մրցաշարի 8-րդ տուրում Հայաստանի ներկայացուցիչ Լեւոն Արոնյանը սպիտակներով 42-րդ քայլում ոչ ոքի խաղաց հոլանդացի Անիշ Գիրիի հետ եւ վաստակել է 5 միավոր: Առաջին տուրում Գիրին ու Արոնյանը եւս կիսել էին միավոր:

Ամերիկացի Ֆաբիանո Կարուանան պարտության մատնեց Հիկարու Նակամուրային (ԱՄՆ) եւ 4.5 միավորով հավասարվեց ռուսաստանցի Սերգեյ Կարյակինին, որը շարունակում է 8-րդ տուրի պարտիան ռուսաստանցի Պյոտր Սվիդլերի հետ: Շարունակվում է նաեւ Վիշվանաթան Անանդ - Վեսելի Տոպալով դիմակայությունը:

Հավակնորդների մրցաշար, 8-րդ տուր

Պյոտր Սվիդլեր (Ռուսաստան) - Սերգեյ Կարյակին (Ռուսաստան) 

Ֆաբիանո Կարուանա (ԱՄՆ) - Հիկարու Նակամուրա (ԱՄՆ)՝ 1:0 

Լեւոն Արոնյան (Հայաստան) - Անիշ Գիրի (Հոլանդիա)՝ 0.5:0.5

Վեսելին Տոպալով (Բուլղարիա) - Վիշվանաթան Անանդ (Հնդկաստան)