Հավակնորդների մրցաշար. Լեւոն Արոնյանը ոչ ոքի խաղաց Ֆաբիանո Կարուանայի հետ

Մոսկվայում ընթացող շախմատի աշխարհի չեմպիոնի հավակնորդների մրցաշարի 5-րդ տուրում Լեւոն Արոնյանը սպիտակներով խաղաց ԱՄՆ-ը ներկայացնող իտալացի Ֆաբիանո Կարուանայի հետ եւ վաստակեց կես միավոր: Պարտիան ավարտվել է 30-րդ քայլում: Արոնյանն ունի 3 միավոր:

Ավարտվել է նաեւ աշխարհի նախկին չեմպիոն Վիշվանաթան Անանդի եւ ամերիկացի Հիկարու Նակամուրայի պարտիան՝ ոչ ոքի: 

Անանդն ու Կարուանան վաստակել են 2.5-ական միավոր: Առաջատարը ռուսաստանցի Սերգեյ Կարյակինն է, որը չորս տուրում վաստակել է 3 միավոր եւ այժմ մրցում է հետնապահ Վեսելին Տոպալովի հետ:

Հիշեցնենք, որ նախորդ տուրերում Արոնյանը ոչ ոքի է խաղացել հոլանդացի Անիշ Գիրիի, հնդիկ Վիշվանաթան Անանդի ու ռուս Պյոտր Սվիդլերիհետ եւ հաղթել է բուլղարացի Վեսելին Տոպալովին:

Հավակնորդների մրցաշար, 5-րդ տուր

Լեւոն Արոնյան (Հայաստան) - Ֆաբիանո Կարուանա (ԱՄՆ)` 0.5:0.5

Վիշվանաթան Անանդ (Հնդկաստան) - Հիկարու Նակամուրա (ԱՄՆ)՝ 0.5:0.5

Անիշ Գիրի (Հոլանդիա) - Պյոտր Սվիդլեր (Ռուսաստան) 

Վեսելին Տոպալով (Բուլղարիա) - Սերգեյ Կարյակին (Ռուսաստան)