Հավակնորդների մրցաշար. Լեւոն Արոնյանի վստահ հաղթանակը
21:05 13 մարտի, 2016Մոսկվայում ընթացող աշխարհի չեմպիոնի հավակնորդների մրցաշարում հայկական շախմատի առաջատար Լեւոն Արոնյանը երրորդ տուրում սեւերով մրցեց բուլղարացի Վեսելին Տոպալովի հետ եւ վստահ հաղթանակ տարավ:
Սա Լեւոն Արոնյանի առաջին հաղթանակն էր այս մրցաշարում: Առաջին երկու տուրերում հայ գրոսմայստերը խաղացել էր ոչ ոքի եւ այժմ ունի 2 միավոր: Արոնյանը հավասարվեց առաջատարներ Վիշվանաթան Անանդին եւ ռուսաստանցի Սերգեյ Կարյակինին, որոնք երեք տուրից հետո եւս վաստակել են 2-ական միավոր:
Երրորդ տուրում Անանդը սպիտակներով ոչ ոքի խաղաց ամերիկացի Ֆաբիանո Կարուանայի հետ, իսկ Կարյակինը սեւերով միավորը կիսեց հոլանդացի Անիշ Գիրի հետ: Ռուսաստանցի Պյոտր Սվիդլերը եւս բավարարվեց կես միավորով եւ ունի 1.5 միավոր:
Հավակնորդների մրցաշար, երրորդ տուր
Վեսելին Տոպալով (Բուլղարիա) - Լեւոն Արոնյան (Հայաստան)՝ 0:1
Հիկարու Նակամուրա (ԱՄՆ) - Պյոտր Սվիդլեր (Ռուսաստան)՝ 0.5:0.5
Անիշ Գիրի (Հոլանդիա) - Սերգեյ Կարյակին (Ռուսաստան)՝ 0.5:0.5
Վիշվանաթան Անանդ (Հնդկաստան) - Ֆաբիանո Կարուանա (ԱՄՆ)՝ 0.5:0.5
Մրցաշարային դրությունը. Կարյակին, Անանդ, Արոնյան՝ 2-ական, Գիրի, Կարուանա, Սվիդլեր՝ 1.5-ական, Նակամուրա՝ 1, Տոպալով՝ 0.5:
Մարտի 14-ին հավակնորդների մրցաշարում հանգստյան օր է:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.