Հավակնորդների մրցաշար. Վեսելին Տոպալով vs Լեւոն Արոնյան

Մոսկվայում ընթացող շախմատի աշխարհի չեմպիոնի հավակնորդների մրցաշարի երրորդ տուրում մարտի 13-ին հայկական շախմատի առաջատար Լեւոն Արոնյանի մրցակիցը կլինի բուլղարացի Վեսելին Տոպալովը:

Երկու տուրից հետո Լեւոն Արոնյանն ունի 1 միավոր եւ ռուսաստանցի Պյոտր Սվիդլերի, հոլանդացի Անիշ Գիրիի ու ամերիկացի Ֆաբիանո Կարուանայի հետ բաժանում է 3-6-րդ տեղերը:

Առաջատարներն են 1.5-ական միավոր վաստակած աշխարհի նախկին չեմպիոն, հնդիկ Վիշվանաթան Անանդն ու ռուսաստանցի Սերգեյ Կարյակինը: Կեսական միավոր ունեն ամերիկացի Հիկարու Նակամուրան եւ Տոպալովը:

Հավակնորդների մրցաշար, երրորդ տուր

Վեսելին Տոպալով (Բուլղարիա) - Լեւոն Արոնյան (Հայաստան)

Հիկարու Նակամուրա (ԱՄՆ) - Պյոտր Սվիդլեր (Ռուսաստան)

Անիշ Գիրի (Հոլանդիա) - Սերգեյ Կարյակին (Ռուսաստան)

Վիշվանաթան Անանդ (Հնդկաստան) - Ֆաբիանո Կարուանա (ԱՄՆ)