ԵԱ-2016. Ծանրամարտի Հայաստանի հավաքականի կազմը

19:07   11 մարտի, 2016

Ծանրամարտի Եվրոպայի առաջնությունում Հայաստանի մասնակիցների անունները հայտնի են: Այս մասին NEWS.am Sport -ի թղթակցի հետ զրույցում ասել է ծանրամարտի տղամարդկանց Հայաստանի հավաքականի գլխավոր մարզիչ Փաշիկ Ալավերդյանը:

«Հայաստանի հավաքականը ներկայանալու է ամբողջական կազմով՝ 10 քաշային կարգերում, բայց երկու ծանրորդ կարող են փոխարինվել: Ամեն ինչ կորոշվի Եվրոպայի առաջնության մեկնելուց առաջ: Տեսնենք՝ ով չկարողանա բարձրացնել ավելի կիլոգրամներ, ով վնասվածքների խնդիր ունենա, նրանք էլ կփոխարինվեն: Այս պահին պաշտոնապես Եվրոպայի առաջնությանը կմասնակցեն Վանիկ Ավետիսյանը (69 կգ), Սմբատ Մարգարյանը (56 կգ), Տիգրան Մարտիրոսյանը եւ Անդրանիկ Կարապետյանը (77 կգ), Աղասի Աղասյանը (85 կգ), Սիմոն Մարտիրոսյանը (105 կգ), Ռուբեն Ալեքսանյանը եւ Գոռ Մինասյանը (+ 105կգ): Եվրոպայի մասնակիցների կազմում կլինեն նաեւ Առաքել Միրզոյանը եւ Ռոստամ Կարապետյանը: Նրանք շատ հավանական է, որ հանդես գան որպես փոխարինողներ: Այս պահին ուսումնամարզական հավաքի ենք Ծաղկաձորում»,- ասել է Փաշիկ Ալավերդյանը:

Եվրոպայի առաջնությունը տեղի կունենա ապրիլի 8-16-ը Նորվեգիայի Ֆորդե քաղաքում:

Լուսինե Շահբազյան



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։