Սերժ Սարգսյանը կատարել է շախմատի աշխարհի չեմպիոնի հավակնորդների մրցաշարի մեկնարկային տուրի առաջին քայլը: Հայաստանի եւ Հայաստանի շախմատի ֆեդերացիայի նախագահը հոլանդացի Անիշ Գիրիի եւ հայկական շախմատի առաջատար Լեւոն Արոնյանի պարտիայում երկու վանդակ առաջ է տարել թագուհու զինվորը:
Ութ գրոսմայստերներ մարտի 11-ից 29-ը Մոսկվայում վիճարկում են աշխարհի չեմպիոն, նորվեգացի Մագնուս Կարլսենի հետ համաշխարհային թագի համար պայքարելու իրավունքի համար:
Առաջին տուրի մյուս պարտիաներում մրցում են ռուսաստանցիներ Սերգեյ Կարյակինն ու Պյոտր Սվիդլերը, ամերիկացիներ Հիկարու Նակամուրան ու Ֆաբիանո Կարուանան, հնդիկ Վիշվանաթան Անանդն ու բուլղարացի Վեսելին Տոպալովը:
Ֆոտո՝ Chess-news.ru
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։