Շախմատի աշխարհի չեմպիոնի հավակնորդների մրցաշարի բացումը (ֆոտո)
00:21 11 մարտի, 2016Մոսկվայում տեղի ունեցավ շախմատի աշխարհի չեմպիոնի հավակնորդների մրցաշարի բացման հանդիսավոր արարողությանը: Ներկա է եղել նաեւ Սերժ Սարգսյանը:
ՖԻԴԵ-ի նախագահ Կիրսան Իլյումժինովը շնորհակալություն է հայտնել Հայաստանի նախագահին շախմատային կարեւորագույն մրցաշարի կազմակերպման եւ մշտապես շախմատին աջակցելու համար: Բացման ելույթում Ռուսաստանի շախմատային ֆեդերացիայի նախագահ Անդրեյ Ֆիլատովը նույնպես շնորհակալություն հայտնել Հայաստանի շախմատի ֆեդերացիայի ղեկավարին խաղի միլիոնավոր երկրպագուներին շախմատային նման տոն նվիրելու համար, հաղորդում է ՀՇՖ մամուլի ծառայությունը:
Մրցաշարի բացման արարողությունը նվիրված է եղել Հայաստանի անկախության 25-ամյակին:
Մարտի 11-ին կայանալիք մեկնարկային տուրում Արոնյանի մրցակիցը կլինի հոլանդացի Անիշ Գիրն: Կկայանան նաեւ Սերգեյ Կարյակին (Ռուսաստան) - Պյոտր Սվիդլեր (Ռուսաստան), Հիկարու Նակամուրա (ԱՄՆ) - Ֆաբիանո Կարուանա (ԱՄՆ) եւ Վիշվանաթան Անանդ (Հնդկաստան) - Վեսելին Տոպալով (Բուլղարիա) պարտիաները:
Մոտ 420 հազար եվրո մրցանակային հիմնադրամ ունեցող մրցաշարի հաղթողը իրավունք կստանա նորվեգացի Մագնուս Կարլսենի հետ նոյեմբերի 11-30-ը Նյու Յորքում վիճարկել աշխարհի չեմպիոնի տիտղոսը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.