Պրոֆեսիոնալ բռնցքամարտիկները իրավունք կունենան մասնակցել 2016թ. Ռիոյի Օլիմպիական խաղերին, հայտարարել է Սիրողական բնռցքամարտի միջազգային ֆեդերացիայի (ԱԻԲԱ) նախագահ Չինգ-Կուո Վուն:
«Հունիսին ԱԻԲԱ-ի կանոնադրությունում կկատարվեն փոփոխություններ, պրոֆեսիոնալները կստանան Օլիմպիական խաղերում հանդես գալու հնարավորություն: Նրանց ոչ մի առավելություն չի տրվի ընտրական փուլերում: Մենք պետք է փոխենք այս վիճակը, այսպես չի կարելի, բռնցքամարտը միակ մարզաձեւն է, որի պրոֆեսիոնալ ներկայացուցիչները չունեն օլիմպիական դառնալու հնարավորություն»,- ԱԻԲԱ-ի նախագահի խոսքը մեջբերում է Reuters-ը:
Հռչակավոր ֆիլիպինցի Մենի Պակյաոն (57-6-2, 38 նոկաուտ) ցանկություն էր հայտնել դուրս գալ Ռիոյի օլիմպիական ռինգ՝ հետաձգելով մարզական կարերայի ավարտը: Ավելի վաղ նա հայտարարել էր, որ ապրիլի 9-ին Լաս Վեգասում ամերիկացի Թիմոթի Բրեդլիի հետ մենամարտը կլինի վերջինն իր մարզական կարիերայում:
Պրոֆեսիոնալ բռնցքամարտի ազդեցիկ կազմակերպություններից (Բռնցքամարտի համաշխարհային խորհուրդ, WBC) մեկի նախագահ Մաուրիսիո Սուլեյմանն արդեն քննադատել է Պակյաոյի հայտարարությունը.
«Ծիծաղելի է Պակյաոյի ցանկությունը: Հավանաբար, ԱԻԲԱ-ի նախագահը նրան վճարել է այդ հայտարարության համար»:
Օլիմպիական խաղերը օգոստոսի 5-ից 21-ն է:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։