Չինաստանում անցկացված Համաշխարհային մտավոր խաղերի ծրագրով շախմատի կայծակնային խաղի մրցաշարում Հայաստանի հավաքականի անդամ Գաբրիել Սարգսյանը 30 հնարավորից վաստակել է 12.5 միավոր եւ 16 մասնակիցների մեջ գրավել է 12-րդ տեղը: Սերգեյ Մովսեսյանը 11.5 միավորով 14-րդն է: Հաղթող է դարձել ադրբեջանցի Ռաուֆ Մամեդովը՝ 19.5 միավոր:
Կանանց մրցաշարում Հայաստանի հավաքականի խաղացող Լիլիթ Մկրտչյանը 9.5 միավորով 16 մասնակիցների պայքարում գրավել է նախավերջին տեղը: Հաղթողը ռուսաստանցի Կատերինա Լագնոն է՝ 21.5 միավոր:
Արագ շախմատի մրցաշարում Սարգսյանը 7 պարտիաներում վաստակել էր 3.5 միավոր եւ գրավել էր 10-րդ տեղը: Հայաստանի հավաքականի անդամ Սերգեյ Մովսեսյանը 1.5 միավորով վերջինն էր:
5-ական միավոր էին վաստակել ադրբեջանցի Շաքրիյար Մամեդյարովն ու ուկրաինացի Ռուսլան Պոնոմարյովը: Թայ-բրեյքում հաղթողի կոչումը նվաճել էր Մամեդյարովը:
Կանանց մրցաշարին մասնակցած Լիլիթ Մկրտչյանը 1.5 միավորով եզրափակել էր մրցաշարային աղյուսակը: Առաջին տեղը գրաված չինացի Չոնգիյ Տանի արդյունքն էր 6 միավոր:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։