Շախմատի աշխարհի չեմպիոնի մրցախաղը՝ նոյեմբերին Նյու Յորքում
13:47 1 մարտի, 2016Շախմատի աշխարհի չեմպիոնի մրցախաղը տեղի կունենա 2016թ. նոյեմբերի 10-ից 30-ը Նյու Յորքում: Այդ մասին թվիթերյան էջում գրել է Շախմատի միջազգային ֆեդերացիայի նախագահ Կիրսան Իլյումժինովը:
Նյու Յորքի քաղաքապետ Բիլ դե Բլազիոն մրցախաղի կայքում ողջունել է դիմակայությունը Նյու Յորքում անցկացնելու փաստը:
Մրցանակային հիմնադրամը կլինի առնվազն մեկ միլիոն եվրո:
Աշխարհի չեմպիոն, նորվեգացի Մագնուս Կարլսենի մրցակիցը հայտնի կդառնա մարտի 11-ից 28-ը Մոսկվայում անցկացվելիք հավակնորդների մրցաշարի արդյունքում:
Մեկնարկային տուրում հայկական շախմատի առաջատար Լեւոն Արոնյանի մրցակիցը կլինի հոլանդացի Անիշ Գիրն: Կկայանան նաեւ Սերգեյ Կարյակին (Ռուսաստան) - Պյոտր Սվիդլեր (Ռուսաստան), Հիկարու Նակամուրա (ԱՄՆ) - Ֆաբիանո Կարուանա (ԱՄՆ) եւ Վիշվանաթան Անանդ (Հնդկաստան) - Վեսելին Տոպալով (Բուլղարիա) պարտիաները:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.