Հունգարիայում անցկացված հրաձգության Եվրոպայի երիտասարդական առաջնությունից Հայաստանի հրաձիգները հայրենիք են վերադարձել մեկ արծաթե եւ մեկ թիմային բրոնզե մեդալներով, հաղորդում է msy-ը:
10 մ վազող թիրախ` խառը վազք, 2x20 կրակոց վարժության երիտասարդ աղջիկների 14 մրցակիցների պայքարում Լիլիթ Մկրտչյանը (Երևանի հրաձգության մանկապատանեկան մարզադպրոց, անձնական մարզիչ՝ Գագիկ Մելոյան) 366 միավորով արժանացել է արծաթե մեդալի:
Նույն վարժության երիտասարդ տղաների պայքարում 18 մրցակիցներից Ռազմիկ Մինասյանը, վաստակելով 367 միավոր, գրավել է 9-րդ տեղը, Շանթ Սարգսյանը՝ 365 միավորով գրավել է 11-րդ տեղը, իսկ Հովհաննես Խաչատրյանը՝ 362 միավորով, գրավել է 13-րդ տեղը: Թիմային պայքարում տղաները արժանացել են բրոնզե մեդալների:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։