Ռոնալդու. Եթե «Ռեալում» բոլորը խաղային իմ պես, մենք կլինեինք առաջինը
01:12 28 փետրվարի, 2016Մադրիդի «Ռեալի» առաջատար Կրիշտիանու Ռոնալդուն Իսպանիայի առաջնության 26-րդ տուրում «Աթլետիկոյից» կրած տնային պարտությունից հետո կարծիք է հայտնել, որ ակումբակիցները խաղամակարդակով զիջում են իրեն:
«Եթե «Ռեալում» բոլորը ցուցադրեին իմ մակարդակի խաղ, ապա մենք կլինեինք առաջինը: Մամուլը գրում է, որ ես բավականաչափ լավ չեմ գործում, սակայն վիճակագրությունը չի ստում: Չեմ ցանկանում նեղացնել ոչ մեկի, սակայն, երբ դու լավագույնն ես, հաղթելն այնքան էլ բարդ չէ: Ինձ դուր է գալիս խաղալ Պեպեի, Մարսելոյի, Բենզեմայի ու Բեյլի հետ: Չեմ ցանկանում վատ բան ասել Խեսեի, Կովաչիչի կամ Լուկաս Վասկեսի հասցեինք, նրանք լավն են, բայց...
Չգիտեմ՝ արդյոք վատ ենք պատրաստվել այս մրցաշրջանին, սակայն վնասվածք ունեցող խաղացողները շատ են, իսկ դա վնասում է թիմին: Ուեինք ավելի շատ հնարավորություններ, քան «Աթլետիկոն», եւ մենք պետք է հաղթեինք, սակայն ֆուտբոլն այսպիսին է»,- Պորտուգալիայի հավաքականի ավագի խոսքը մեջբերում է Marca-ն:
Հիշեցնենք, որ մադրիդյան դերբիում «Ռեալն» առաջին պարտությունը կրեց Զինեդին Զիդանի գլխավորությամբ եւ շարունակում է 9 միավոր զիջել առաջատար «Բարսելոնային», որը մեկ խաղ էլ պակաս է անցկացրել: Երկրորդ տեղում գտնվող «Աթլետիկոն» 4 միավոր է առաջ անցել Արքայական ակումբից:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.