Ջանի Ինֆանտինոն՝ ՖԻՖԱ-ի նախագահ
21:07 26 փետրվարի, 2016ՈւԵՖԱ-ի գլխավոր քարտուղար Ջանի Ինֆանտինոն ընտրվեց Ֆուտբոլի միջազգայն ֆեդերացիայի (ՖԻՖԱ) 9-րդ նախագահ: 45-ամյա շվեյցարացին երկրորդ փուլում ստացել է 115 երկրների ֆեդերացիաների ձայնը:
Երկրորդ տեղում է մնացել Ասիայի ֆուտբոլային կոնֆեդերացիայի նախագահ շեյխ Սալմանը ստացել է 88 ձայն: Երկրորդ փուլում անհրաժեշտ էր հավաքել քվեարկությանը մասնակցած 207 ֆեդերացիաների ձայների կեսից ավելին:
Առաջին փուլում Ջանի Ինֆանտինոն ստացել էր 88 ֆեդերացիաների աջակցությունը: Երկրորդ տեղում էր շեյխ Սալմանը՝ 85:
Հորդանանի արքայազն Ալի բին Ալ Հուսեյնը 27 ձայնով երրորդն էր: Նա երկրորդ փուլում ստացել է 4 ձայն:
ՖԻՖԱ-ի գլխավոր քարտուղարի նախկին տեղակալ, ֆրանսիացի Ժերոմ Շամպանը 7 ձայնով վերջինն էր, երկրորդ փուլում ձայն չի ստացել:
Առաջին փուլում հաղթանակի համար անհրաժեշտ էր ձայների 2/3-ից ավելի (138):
Ընտրությունից առաջ թեկնածությունը հանել էր հարավաֆրիկացի գործարար Տոկիո Սեկսվալեն:
ՖԻՖԱ-ի նախագահի պաշտոնավարման ժամկետը չորս տարի է:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.