Կրոյֆ. Իմ ժամանակ 11 մետրանոցի խաղարկման համար չէին քննադատում, միայն հիանում էին
00:29 17 փետրվարի, 2016«Բարսելոնայի» նախկին գլխավոր մարզիչ Յոհան Կրոյֆը նշել է, որ իր կարիերայի տարիներին 11 մետրանոցի խաղարկման համար չէին քննադատում, այլ միայն հիանում էին:
Լեգենդար հոլանդացին մեկնաբանել է «Բարսելոնայի» արգենտինացի հարձակվող Լիոնել Մեսիի խաղարկումը «Սելտայի» հետ խաղում: «Ոսկե գնդակի» հնգակի դափնեկրի փոխանցումից հետո մրցակցի դարպասը գրավել էր ուրուգվայցի հարձակվող Լուիս Սուարեսը: Կատալանոկան ակումբն Իսպանիայի առաջնության 24-րդ տուրի խաղում առավելության էր հասել 6:1 հաշվով:
«Ֆուտբոլը զվարճանք է, եւ Մեսին ցանկանում է ֆուտբոլից վերցնել ամեն ինչ: Ես աջակցում եւ ողջունում եմ յուրաքանչյուր ֆուտբոլիստի, ով համարձակվում է այդպիսի բան անել: Իմ ժամանակ մամուլը հիանում էր 11 մետրանոցի խաղարկումներով: Լրագրողներն ասում էին, որ դա հանճարեղ է: Ֆուտբոլը պետք է հաճույք պատճառի: Չեմ հասկանում Մեսիի հասցեին հնչող քննադատությունը»,- Կրոյֆի խոսքը մեջբերում է Sport.es-ը:
Որոշ մեկնաբաններ եւ ֆուտբոլասերներ Մեսիի գործողությունը համարում են ծաղրական վերաբերմունք մրցակցի նկատմամբ:
1982 թվականին Կրոյֆը Ամստերդամի «Այաքսի» կազմում եւս 11 մետրանոցի իրացման ժամանակ դիմել էր խաղարկման: Գնդակը ստացած Օլսենը հետ փոխանցում էր կատարել Կրոյֆին, որն էլ գրավել էր «Հելմոնդ Սպորտի» դարպասը:
68-ամյա Կրոյֆն այժմ պայքարում է թոքերի քաղցկեղի դեմ, որը նրա մոտ ախտորոշվել էր 2015թ. հոկտեմբերին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.