Անաստասիա Գալուստյան. Արտիստականության գնահատականներս ավելի բարձր պետք է լինեին
17:42 15 փետրվարի, 2016Ամեն ինչ արեցի իմ հնարավորությունների առավելագույնի չափով։ Միավորներիցս չեմ դժգոհում, միայն կարծում եմ, որ արտիստականության համար գնահատականներս ավելի բարձր պետք է լինեին։
Այս մասին NEWS.am Sport-ի թղթակցի հետ զրույցում Լիլեհամերից ասաց ձմեռային պատանեկան Օլիմպիական խաղերում Հայաստանը ներկայացնող գեղասահորդուհի Անաստասիա Գալուստյանը՝ մեկնաբանելով կարճ ծրագրի իր մրցելույթը։
Հիշեցնենք, որ մենասահքի կարճ ծրագրում Գալուստյանը զբաղեցրել է 7-րդ տեղը՝ վաստակելով 55.89 միավոր:
«Գոհ եմ իմ մրցելույթից, ամեն ինչ շատ լավ ստացվեց։ Բայց կուզեի ավելին անել, ավելի բարձր միավորներ վաստակել։ Ես ամեն ինչ արեցի իմ հնարավորությունների առավելագույնի չափով։ Միավորներիցս չեմ դժգոհում, միայն կարծում եմ, որ արտիստիզմի համար գնահատականներս ավելի բարձր պետք է լինեին։ Այժմ հանգստանում եմ, պատրատվում եմ վաղվա ելույթիս։ Վաղը ազատ ծրագիրն է, կարծում եմ ամենը լավ է լինելու»,- ասաց Անաստասիա Գալուստյանը։
Ազատ ծրագրի կատարումը փետրվարի 16-ին է:
Լուսինե Շահբազյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.