Հենրիխ Մխիթարյանի գոլը նպաստեց «Բորուսիայի» հաղթանակին

01:30   10 փետրվարի, 2016

Ֆուտբոլի Գերմանիայի գավաթի խաղարկության քառորդ եզրափակիչում Դորտմունդի «Բորուսիան» արտագնա հանդիպում անցկացրեց «Շտուտգարտի» հետ եւ առավելության հասավ 3:1 հաշվով: Հայաստանի հավաքականի կիսապաշտպան Հենրիխ Մխիթարյանը «Բորուսիայի» մեկնարկային կազմում էր եւ աչքի ընկավ 89-րդ րոպեին՝ խփելով հյուրերի երրորդ գոլը: Թոմաս Տուխելի գլխավորած թիմը դուրս եկավ կիսաեզրափակիչ:

Կիսաեզրափակիչի ուղեգիր է նվաճել նաեւ Բրեմենի «Վերդերը», որը դուրս թողեց Լեւերկուզենի «Բայերին»: 41-րդ րոպեից «Բայերը» խաղացել է 10 ֆուտբոլիստներով, 56-րդ րոպեին էլ ազդրի վնասվածք ստանալու պատճառով հարկադրված փոխարինվել է լեւերկուզենցիների լավագույն ռմբարկու, երեք ամիս անընդմեջ Բունդեսլիգայի լավագույն ֆուտբոլիստ ճանաչվող, 27-ամյա Խավյեր Էրնանդեսը:

Գերմանիայի Գավաթ, քառորդ եզրափակիչ

«Շտուտգարտ» - «Բորուսիա Դ.»՝ 1:3

Լուկաս Ռուպ, 21 – Մարկո Ռոյս, 5, Պյեր-էմերիկ Օբամեյանգ, 31, Հենրիխ Մխիթարյան, 89

«Բայեր» - «Վերդեր»՝ 1:3

Խավյեր Էրնանդես, 22, 11մ – Սանտիագո Գարսիա, 31, Կլաուդիո Պիսարո, 42, 11մ, Ֆլորիան Գրիլիչ, 82

Հեռացում՝ Վենդել («Բայեր»), 41



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։