ՖԻՖԱ. Հայաստանի հավաքականը նահանջել է 2 տեղով
13:17 4 փետրվարի, 2016Ֆուտբոլի Հայաստանի ազգային հավաքականը ՖԻՖԱ-ի դասակարգման աղյուսակում նահանջել է 2 աստիճան եւ հայտնվել 123-րդ տեղում, թեեւ նախորդ հրապարակումից հետո չի անցկացրել խաղեր: Հայաստանի թիմը պահպանել է վարկանիշային 285 միավորները:
ՖԻՖԱ-ի դասակարգման աղյուսակի լավագույն տասնյակում փոփոխություններ չկան: Առաջին տեղը պահպանել է Բելգիայի հավաքականը, որին հաջորդում են արգենտինացիները եւ իսպանացիները, իսկ աշխարհի չեմպիոն Գերմանիան չորրորդ տեղում է:
Լավագույն տասնյակում են նաեւ՝ Չիլին, Բրազիլիան, Պորտուգալիան, Կոլումբիան, Անգլիան ու Ավստրիան:
Աշխարհի 2018թ. առաջնության ընտրական փուլում Հայաստանի հավաքականի մրցակիցներից Ռումինիան 16-րդն է, Լեհաստանը՝ 34-րդը, Դանիան՝ 40-րդը, Չեռնոգորիան՝ 84-րդը, իսկ Ղազախստան՝ 131-ը:
Հիշեցնենք, որ Հայաստանի հավաքականը հաղթանակ չի տարել նախորդ 13 խաղերում՝ սահմանելով թիմի պատմության հակառեկորդ: Հայկական թիմը մարտի 25-ին Երեւանի «Հանրապետական» ստադիոնում ընկերական խաղ է ացնկացնելու Բելառուսի հավաքականի հետ, 67-րդն է ՖԻՖԱ-ի դասակարգման աղյուսակում:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.