Ալոնսոյի գեղեցիկ հաղթանակն ու Շումախերի առաջին հաջողությունը
18:23 24 հունիսի, 2012Վալենսիայում կայացած ֆորմուլա-1-ի Եվրոպայի Մեծ մրցանակի մրցարշավն ավարտվեց «Ֆերարիի» իսպանացի ավտոարշավորդ Ֆերնանդո Ալոնսոն հաղթանակով։ Իսպանացին մրցումները սկսեց 11-րդ դիրքից:
Ալոնսոյի հաղթանակին մեծապես նպաստեց հաջողության գործոնը, քանի որ իսպանացու գլխավոր մրցակիցները՝ գերմանացի Սեբաստյան Ֆիտելը («Ռեդ Բուլ») եւ բրատինացի Լյուիս Հեմիլթոնը («Մաքլարեն») չկարողացան ավարտել մրցումները: Գերմանացին դուրս եկավ պայքարից տեխնիկական խնդիրների պատճառով, իսկ բրիտանացին մրցուղին լքեց «Ուիլյամսի» արշավորդ Պաստոր Մալդոնադոյի հետ բախման հետեւանքով:
Երկրորդ տեղ զբաղեցրեց ֆին Կիմի Ռայկոնենը («Լոտուս»), լավագույն եռյակը եզրափակեց գերմանացի Միխայիլ Շումախերը («Մերսեդես»): 2010թ. կարիերան վերսկսելուց հետո սա ֆորմուլա 1-ի 7-ակի չեմպիոն Միխայիլ Շումախերի առաջին հաջողությունն էր:
Այսպիսով, Ալոնսոն վաստակեց 111 միավոր եւ դարձյալ գլխավորեց մրցաշարային աղյուսակը: Երկրորդ տեղում գտնվող Մարկ Ուեբերն («Ռեդ Բուլ») ունի 91 միավոր: Լյուիս Հեմիլթոնը 88 միավորով երրորդն է:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.