Արտյոմ Խաչատուրովը պայմանագիր է կնքել «Արարատի» հետ եւ թիմի կազմում կմեկնի Սոչի
21:10 24 հունվարի, 2016Երեւանի «Արարատը» պայմանագիր է կնքել Հայաստանի հավաքականի թեկնածու Արտյոմ Խաչատուրովի եւ «Բանանցի» նախկին պաշտպան Արամ Շախնազարյանի հետ, հայտնում է ակումբի կայքը:
«Արարատի» նորեկները թիմի հետ հունվարի 25-ին կմեկնեն Սոչի, որտեղ երեւանցիները հավաք կանցկացնեն մինչեւ փետրվարի 5-ը: Արտյոմ Խաչատուրովը վերջերս է հեռացել ղազախական «Կիզիլ Ժարից»:
«Արարատի» կազմում ռուսկաան հավաքին կմեկնեն հետեւյալ ֆուտբոլիստները.
Դարպասապահներ. Գեւորգ Պրազյան, Արման Մելիքսեթյան:
Պաշտպաններ. Նորայր Գրիգորյան, Գորիկ Խաչատրյան, Ռաֆֆի Կայա, Վահե Մարտիրոսյան, Արտյոմ Խաչատուրով, Արամ Շախնազարյան:
Կիսապաշտպաններ. Գեորգի Խուբուա, Բենիկ Հովհաննիսյան, Մոյսես Օրոզկո, Ումարու Կաինա, Ռուսլան Ավագյան, Մհեր Սահակյան:
Հարձակվողներ. Գեւորգ Նռանյան, Դավիթ Հովսեփյան:
Ռուսաստանում թիմին կմիանան հայ պաշտպան Սերգեյ Ավագիմյանը եւ հայկական ծագումով կիսապաշտպան Դենիս Օզը: Հնարավոր է, որ «Արարատում» կփորձարկվեն եւս երկու նորեկներ: «Արարատը» կրկին կհանգրվանի «Վեսնա» մարզահամալիրում եւ ծրագրել է 4 ստուգողկան հանդիպում:
Հունվարի 26-ին երեւանյան ակումբը կհանդիպի Խաբարովսկի «ԲՄԱ-Էներգիային», որը գլխավորում է Ալեքսանդր Գրիգորյանը, իսկ մեկ օր անց «Արարատը» կմրցի Նիժնի Նովգորոդի «Վոլգայի» հետ, որի կազմում հանդես են գալիս Հայաստանի հավաքականի հարձակվող Արթուր Սարկիսովը եւ հայ կիսապաշտպան Արթուր Մինոսյանը:
Հունվարի 31-ին «Արարատը» կխաղա «Սոչիի» հետ, իսկ փետրվարի 3-ին նախատեսված է ստուգողական հանդիպում Արմավիրի «Տորպեդոյի» հետ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.