NEWS.am Sport NewYear. Մարզիկներն ու նրանց մայրերը. Արթուր Աբրահամ
17:19 1 հունվարի, 2016NEWS.am Sport-ը շարունակում է տոնական շարքը՝ նվիրված հայ մարզիկների մայրերին:
Պրոֆեսիոնալ բռնցքամարտի սուպերմիջին քաշային կարգում WBO վարկածով աշխարհի չեմպիոն Արթուր Աբրահամի մայրը թերեւս ամենածանր ապրումներ ունեցողն է որդու մենամարտերի ժամանակ:
Այդ մասին տիկին Սիլվան NEWS.am Sport-ի թղթակցին ասել էր Բեռլինում Աբրահամ-Սմիթ մենամարտից առաջ (2015թ. փետրվարի 21):
«Չեմ դիտում հեռուստացույցով, եթե Գերմանիայում եմ լինում, չեմ գնում մարզապալատ, մնում եմ տանը: Այդ օրերին մեր տանը միշտ շատ մարդ է լինում, գնում-գալիս եմ, հեռուստացույցի կողքով անցնում, մի վայրկյան աչքս գցում, հետո էլի հեռանում եմ սենյակից: Ինձ համար շատ դժվար է, այդպես էլ այս տարիների ընթացքում չկարողացա համակերպվել բռնցքամարտի հետ: Ուզում եմ, որ որդիս վերջապես իրականացնի իմ երազանքը՝ ամուսնանա, ինձ թոռներ պարգեւի եւ արդեն թողնի բռնցքամարտը»,- ասել էր Արթուր Աբրահամի մայրը:
«Ես իմ մայրիկին աշխարհի չափ սիրում եմ, իմ մայրն աշխարհի ամենալավ մայրն է եւ նրան այդ մասին միշտ ասում եմ: Ես մեծ բախտ ունեմ, որ ինձ նա է լույս աշխարհ բերել: Այսպես կարտահայտեմ իմ սերը մայրիկիս ու նաեւ այսկերպ կշնորհավորեմ մայրիկիս Ամանորը. ես նրան անչափ սիրում եմ»,- NEWS.am Sport-ի թղթակցի հետ զրույցում ասաց Արթուր Աբրահամը:
Լուսինե Շահբազյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.