Տիտո Ռամալյո. Հայ ֆուտբոլիստներն ավելի շատ ուժեղ են եւ ագրեսիվ, քան տաղանդավոր
19:51 29 դեկտեմբերի, 2015Մեզ համար շատ հաճելի է այն, թե ինչպես մեզ ընդունեցին «Բանանցում», թե որքան հեշտ մենք ներգրավվեցինք հայ հասարակության մեջ և Երևանում: Այս կոսմոպոլիտ և մեծ քաղաքն արժե բացահայտել: Մեզ շատ լավ ենք զգում Երևանում:
Այս մասին ասել է «Բանանցի» իսպանացի գլխավոր մարզիչ Տիտո Ռամալյոն La Voz de Galicia-ին, փոխանցում է երեւանյան ակումբի մամուլի ծառայությունը։
«Հայկական ֆուտբոլում գերակշում է ֆիզիկական, ուղիղ ու անհատական խաղը: Շատ տեղ կա աճելու տակտիկայի եւ ֆուտբոլի կազմակերպման առումով: Ֆուտբոլիստներն ավելի շատ ուժեղ են եւ ագրեսիվ, քան տաղանդավոր, ինչը խնդիրներ է առաջացնում հաջողությունների հասնելու հարցում:
Հայկական այն թիմերը, որոնք խաղում են եվրագավաթներում եւ նախնական փուլի արգելքներ են հաղթահարում, կարելի է համեմատել Segunda division-ի (երկրորդ դիվիզիոն) ցածր տեղերում գտնվող թիմերի հետ կամ Segunda B-ի (երրորդ դիվիզիոն) առաջատար թիմերի հետ: Հայաստանը մի երկիր է, որը շատ առաջընթացի կարիք ունի բոլոր մակարդակներում, քանի որ ֆուտբոլը զարգանում է ոչ միայն խաղադաշտում, այլեւ դրա սահմաններից դուրս: Զարգացման կարիք ունեն շատ բաներ, որոնք ազդում են ֆուտբոլիստների, մարզիչների եւ այլ մասնագետների զարգացման վրա: Բայց լավ է այն, որ կա փոփոխություններ կատարելու ցանկություն»,- ասել է Տիտո Ռամալյոն։
Հիշեցնենք, որ իսպանացի մասնագետը հոկտեմբերի է գլխավորել «Բանանցը»։ Նա երկար տարիներ աշխատել է Լա Կորունիայի «Դեպորտիվոյի» համակարգում։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.