Հայտնի է Վլադիմիր Կլիչկոյի հաջորդ մրցակիցը
13:11 5 մարտի, 2012Պրոֆեսիոնալ բռնցքամարտի գերծանրքաշային կարգի WBA / WBO / IBF / IBO վարկածներով աշխարհի չեմպիոն Վլադիմիր Կլիչկոն մարտի 5-ին հրապարակել է հաջորդ մրցակցի անունը: IBF (Բռնցքամարի միջազգային ֆեդերացիա) վարկածով աշխարհի չեմպիոնի պաշտոնական հավակնորդ, ամերիկացի Թոնի Թոմփսոնը կլինի ուկրաինացու մրցակիցը:
Մարտի 4-ին Դյուսելդորֆում Վլադիմիր Կլիչկոն տիտղոսները պաշտպանեց՝ տեխնիկական նոկաուտի ենթարկելով ֆրանսիացի հավակնորդ Ժան Մարկ Մորմեկին:
Կլիչկո – Թոմփսոն մենամարտը պետք է տեղի ունենա 2012թ. ամռանը: Բռնցքամարտիկներն արդեն հանդիպել են 2008թ. հուլիսին: Այն շամանակ Կլիչկոն 11-րդ ռաունդում նոկաուտով հաղթեց մրցակցին:
Վլադիմիր Կլիչկոն նաեւ հայտնել է, որ 2012թ. վերջում նախատեսում է մենամարտ անցկացնել Նյու Յորքում, որտեղ կբացվի «Barclays Arena» ստադիոնը: Մրցակցի թեկնածուներ են ամերիկացի Քրիս Արեոլան եւ ռուսաստանցի Ալեքսանդր Պովետկինը, հաղորդում է BoxingScene.com-ը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.