«Լիվերպուլը» հաղթեց առաջատարին, «Չելսին» խուսափեց պարտությունից, «Մանչեսթեր Սիթին» խփեց 4 գոլ

Անգլիական Պրեմյեր լիգայի 18-րդ տուրում առաջատար «Լեսթերը» մրցակցի խաղադաշտում նվազագույն հաշվով պարտվեց «Լիվերպուլին», որի հաղթական գոլը երկրորդ խաղակեսում խփեց փոխարինման դուրս եկած բելգիացի հարձակվող Կրիստիան Բենտեկեն: Ընթացիկ առաջնությունում «Լեսթերն» առաջին պարտությունը կրեց հյուրընկալվելիս:

«Մանչեսթեր Սիթին» տանը 4:1 հաշվով հաղթեց «Սանդերլենդին», իսկ «Չելսին» Լոնդոնում ոչ ոքի խաղաց «Ուոթֆորդի» հետ՝ 2:2: «Չելսիի» կազմում դուբլի հեղինակ դարձավ բրազիլացի հարձակվող Դիեգո Կոստան, իսկ նրա հայրենակից Օսկարը խաղի վերջնամասում 2:2 հաշվի ժամանակ վերիպեց 11 մետրանոցից: Սա «Չելսիի» գլխավոր մարզիչի պաշտոնը ստանձնած Գուս Հիդինկի առաջին խաղն էր լոնդոնյան ակումբ վերադարձից հետո:

«Լեսթերը» 38 միավորով պահպանում է առաջին տեղը, սակայն այս տուրում Կլաուդիո Ռանյերիի թիմին կարող է շրջանցել 36 միավոր ունեցող «Արսենալը», որը կհյուրընկալվի «Սաութհեմփթոնին»:

Անգլիայի առաջնություն, 18-րդ տուր

«Լիվերպուլ» - «Լեսթեր»՝ 1:0

Կրիստիան Բենտեկե, 63

«Չելսի» - «Ուոթֆորդ»՝ 2:2

Դիեգո Կոստա, 32, 65 – Տրոյ Դենի, 42 (11մ), Օդիոն Իգհալո, 56

Չիրացված 11 մետրանոց՝ Օսկար, 80 («Չելսի»)

«Մանչեսթեր Սիթի» - «Սանդերլենդ»՝ 4:1

Ռահիմ Ստերլինգ, 12, Յայա Տուրե, 17, Ուիլֆրիդ Բոնի, 22, Կեւին դե Բրույնե, 54 – Ֆաբիո Բորինի, 59

Չիրացված 11 մետրանոց՝ Ուիլֆրիդ Բոնի, 69 («Մանչեսթեր Սիթի»)

«Տոտենհեմ» - «Նորվիչ»՝ 3:0

Հարի Քեյն, 26 (11մ), 42, Թոմ Քերոլ, 82

«Աստոն Վիլա» - «Վեստ Հեմ»՝ 1:1

Ջորդան Այու, 62 (11մ) – Աարոն Քրոսվել, 45+2

«Բորնմութ» - «Քրիսթալ Փելաս»՝ 0:0

«Սուոնսի» -«Վեստ Բրոմվիչ»՝ 1:0

Կի Սոն-Յոն, 9