«Բորուսիան» պատրաստ է 2 միլիոն եվրոյով բարձրացնել Հենրիխ Մխիթարյանի աշխատավարձը
18:30 20 դեկտեմբերի, 2015Դորտմունդի «Բորուսիան» մտադիր է 3 տարով երկարաձգել Հայաստանի հավաքականի կիսապաշտպան Հենրիխ Մխիթարյանի հետ գործող պայմանագիրը:
Fussballtransfers.com-ի համաձայն՝ գերմանական ակումբը պատրաստ է 2 միլիոն եվրոյով բարձրացնել 26-ամյա Մխիթարյանի աշխատավարձը եւ նրան վճարել տարեկան 7.5 միլիոն եվրո:
Հայ ֆուտբոլիստը նշել է, որ երջանիկ է Դորտմունդում. «Գաղտնիք չէ, որ Դորտմունդում կարող եմ ցուցադրել լավ ֆուտբոլ եւ երջանիկ եմ այստեղ»,- ասել է Մխիթարյանը:
«Բորուսիայի» մարզական տնօրեն Միխայել Ցորկը եւս խոսել է նոր պայմանագիր կնքելու վերաբերյալ:
«Մխիթարյանի գործող պայմանագիրը երկարաձգելն առաջնային խնդիր է մեզ համար: Առաջին շրջանում նա ցուցադրում էր արտակարգ ֆուտբոլ եւ հիանալի է զգում մեզ մոտ»,- հայտարարել է Ցորկը:
Հիշեցնենք, որ «Բորուսիայի» հետ Հենրիխ Մխիթարյանի գործող պայմանագիրը նախատեսված է մինչեւ 2017-ի ամառը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.