Ռաուլը հրաժարվել է աշխատանքի անցնել «Ռեալում»
16:45 17 դեկտեմբերի, 2015Մադրիդի «Ռեալի» նախագահ Ֆլորենտինո Պերեսն ակումբում աշխատանք է առաջարկել իսպանացի լեգենդար հարձակվող Ռաուլ Գոնսալեսին, հաղորդում է Marca-ն։
Պերեսը զանգել է Նյու Յորքում գտնվող 38-ամյա իսպանացուն, որը չի ընդունել առաջարկը։ Ռաուլը ցանկանում է մնալ ԱՄՆ-ում եւ լինել «Նյու Յորք Կոսմոս» ակումբի դեսպանը։ Ֆլորենտինո Պերեսը կարծում է, որ Ռաուլի ներկայությունը հոգեբանորեն կօգնի «Ռեալի» ֆուտբոլիստներին։
Իսպանացին վերջերս էր ավարտել կարիերան, իսկ նրա վերջին ակումբն էր ամերիկյան «Նյու Յորք Կոսմոսը»։ Ռաուլը 1994-2010 թվականներին հանդես է եկել Մադրիդի «Ռեալում», հետագայում խաղացել է նաեւ գերմանական «Շալկեում» եւ Քաթարի «Ալ Սադում»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։