Դորտմունդի «Բորուսիայի» կիսապաշտպան Հենրիխ Մխիթարյանը Բունդեսլիգայի կայքում անցկացված հարցման արդյունքում ճանաչվել է Գերմանիայի առաջնության 16-րդ տուրի լավագույն ֆուտբոլիստ: Հայաստանի հավաքականի 26-ամյա ֆուտբոլիստի գոլի օգնությամբ դորտմունդցիները 4:1 հաշվով կամային հաղթանակ էին տարել Ֆրանկֆուրտի «Այնտրախտի» նկատմամբ:
Մխիթարյանի օգտին քվեարկել է հարցմանը մասնակցածների 54 տոկոսը: Երկրորդ տեղում է հայտնվել «Հոֆենհայմի» խաղացող Նադիմ Ամիրին, որը հավաքել է 10 տոկոս ձայն:
Հիշեցնենք, որ Հենրիխ Մխիթարյանը Բունդեսլիգայի կայքի վարկածով լավագույն ֆուտբոլիստ էր ճանաչվել նաեւ նախորդ տուրում, երբ «Վոլֆսբուրգի» դեմ խաղից հետո ստացել էր 74 տոկոս ձայն:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։