Հայոց ցեղասպանության պատճառով Արգենտինայի 8-ակի չեմպիոնը չի համագործակցի Turkish Airlines-ի հետ
13:33 16 դեկտեմբերի, 2015Ֆուտբոլի Արգենտինայի 8-ակի չեմպիոն «Ռասինգը» հրաժարվել է համագործակցել Turkish Airlines-ի հետ: Արգենտինական ակումբը բանակցում էր թուրքական ավիաընկերության հետ, սակայն Հայոց ցեղասպանության պատճառով հրաժարվել է համագործակցությունից, գրում է Apertura.com-ը:
«Ռասինգն» ակումբի պաշտոնական կայքում շնորհակալական ուղերձ է հրապարակել Հարավային Ամերիկայի հայերի երիտասարդական միության կողմից:
«Ֆուտբոլում մարզաշապիկն ու ակումբի գույները պետք է աղտոտված չլինեն: Դրանք նույնացնում են ակումբը երկրպագուների համար: Այդ պատճառով աշխարհում ոչ մի երկրպագու չի ցանկանա, որ իր սիրելի թիմին հովանավորի ընկերություն մի երկրից, որի ղեկավարությունը խախտել է մարդու իրավունքները»,- հայտարարել է Հարավային Ամերիկայի հայերի երիտասարդական միության ղեկավար Ալֆոնսո Թաբեկյանը:
Հիշեցնենք, որ նախորդ տարի արգենտինական «Սան Լորենցոն» Հայաստանի համար հրաժարվել էր ադրբեջանական ընկերության հետ համագործակցությունից:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։