Յուրի Պատրիկեեւը վերսկսել է մարզումները եւ ցանկանում է միանալ Հայաստանի հավաքականին

15:11   15 դեկտեմբերի, 2015

Հունահռոմեական ոճի ըմբշամարտի Հայաստանի հավաքականի կազմում Պեկինի Օլիմպիական խաղերի բրոնզե մեդալակիր, Եվրոպայի կրկնակի չեմպիոն, աշխարհի առաջնությունների մրցանակակիր Յուրի Պատրիկեեւը վերսկսել է մարզումները: Այդ մասին հայտնել է Պատրիկեեւի անձնական մարզիչ Սամվել Գեւորգյանը:

«Յուրան այժմ մարզվում է, լավ է զգում իրեն: Ցանկություն է հայտնել միանալ հավաքականին: Մենք միայն ուրախ ենք դրա համար: Լիահույս եմ` առաջիկայում կտեսնեք նրա մեկնարկը միջազգային մրցաշարերում»,- Գեւորգյանի խոսքը մեջբերում է ՀԱՕԿ-ի կայքը:

Հիշեցնենք, որ 36-ամյա ըմբիշը Հայաստանի դրոշի ներքո հանդես է գալիս 2005 թվականից:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։