Ռոնալդու. Պիկեն նախանձում է «Ռեալին»
16:21 9 դեկտեմբերի, 2015«Բարսելոնայի» պաշտպան Ժերար Պիկեի վարքն արժանի չէ մեկնաբանության, ասել է Մադրիդի «Ռեալի» պորտուգալացի հարձակվող Կրիշտիանու Ռոնալդուն: Լրագրողները խնդրել են Ռոնալդուին մեկնաբանել Պիկեի գրառումը Թվիթերում՝ Իսպանիայի գավաթի խաղարկությունից «Ռեալին» հեռացնելու որոշումից հետո: Կատալոնական ակումբի ֆուտբոլիստը ծիծաղի նշաններ էր դրել:
«Պիկեն նախանձում է «Ռեալին»: Բայց այդ ամենն արժանի չէ մեկնաբանության: Ես չեմ կարող անվճար գովազդել Պիկեին: Այլեւս չեմ ցանկանում խոսել այս թեմայի մասին: Կան երեւույթներ, որոնք արժանի չեն պատասխանի»,- Ռոնալդուի խոսքը մեջբերում է Sport.es-ը:
Իսպանիայի ֆուտբոլի ֆեդերացիայի որոշմամբ, «Ռեալը» որակազրկված Չերիշեւին «Կադիսի» դեմ խաղադաշտ դուրս բերելու համար հեռացվել է Իսպանիայի գավաթի խաղարկությունից, սակայն պատրաստվում է բողոքարկել որոշումը: Արքայական ակումբը «Կադիսին» հաղթել է 3:1 հաշվով:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.