Մեծ Բրիտանիայում շարունակվող London Chess Classic շախմատային սուպերմրցաշարում դեկտեմբերի 7-ին ընթանում են չորրորդ տուրի պարտիաները: Առաջինը պայքարն ավարտեցին հայկական շախմատի առաջատար Լեւոն Արոնյանը եւ հոլանդացի Անիշ Գիրին: 33-րդ քայլում գրոսմայստերները համաձայնեցին ոչ ոքի արդյունքի:
Նախորդ երեք տուրերում եւս Լեւոն Արոնյանը խաղացել էր ոչ ոքի՝ հնդիկ Վիշվանաթան Անանդի, ԱՄՆ-ն ներկայացնող իտալացի Ֆաբիանո Կարուանայի ու անգլիացի Մայքլ Ադամսի հետ եւ վաստակել է 2 միավոր:
Դեկտեմբերի 8-ին կայանալիք 5-րդ տուրում Լեւոն Արոնյանի մրցակիցը կլինի աշխարհի չեմպիոն, նորվեգացի Մագնուս Կարլսենը:
London Chess Classic, չորրորդ տուր
Անիշ Գիրի (Հոլանդիա, 2784) - Լեւոն Արոնյան (Հայաստան, 2788)՝ 0.5:0.5
Մագնուս Կարլսեն (Նորվեգիա, 2834) - Մայքլ Ադամս (Անգլիա, 2737)՝ 0.5:0.5
Հիկարու Նակամուրա (ԱՄՆ, 2793) - Վիշվանաթան Անանդ (Հնդկաստան, 2796)` 1:0
Վեսելին Տոպալով (Բուլղարիա, 2803) - Ֆաբիանո Կարուանա (ԱՄՆ, 2787)՝ 0.5:0.5
Ալեքսանդր Գրիշչուկ (Ռուսաստան, 2747 ) - Մաքսիմ Վաշյե-Լագրավ (Ֆրանսիա, 2773)՝ 0.5:0.5
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։