Պլատինի. Ցնցված եմ, որ ինձ թույլ չեն տալիս կատարել պարտականություններս
23:19 2 դեկտեմբերի, 2015ՈւԵՖԱ-ի նախագահ Միշել Պլատինին վստահ է, որ կվերադառնա պարտականությունների կատարմանը եւ կմասնակցի 2016թ. Եվրոպայի առաջնության եզրափակիչ մրցաշարի կազմակերպմանը:
«Ինձ քննադատում են արդեն 40 տարի: Քննադատում են ամեն ինչի համար: Ցնցված եմ եւ հիասթափված, որ ինձ թույլ չեն տալիս կատարել իմ պարտականությունները: Մենք փաստաբանների հետ կապացուցենք, որ ես մաքուր եմ: Մտադիր եմ վերադառնալ աշխատանքիս, որպեսզի կազմակերպեմ մեծ տոն՝ Եվրո-2016-ը Ֆրանսիայում»,- Պլատինիի խոսքը մեջբերում է ESPN-ը:
Հիշեցնենքն, որ ՖԻՖԱ-ի Էթիկայի անկախ կոմիտեի վճռաբեկ պալատը քննչական պալատից ստացել է ՖԻՖԱ-ի նախագահի պաշտոնը զբաղեցնող Բլատերի եւ Պլատինիի նկատմամբ իրականացվող հետաքննության զեկույցները, ինչից հետո գործ է հարուցել նրանց դեմ։ Վճռի հրապարակումը սպասվում է այս ամիս։
Բլատերը կասկածվում է Պլատինիին 2 միլիոն շվեյցարական ֆրանկի անօրինական փոխանցում կատարելու մեջ։ Պաշտոնյաները նշում են, որ փոխանցումը պայմանագրով նախատեսված վճարում է Պլատինիի կատարած աշխատանքի համար։
Բլատերն ու Պլատինին հոկտեմբերից 90 օրով հեռացված են ֆուտբոլից։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.