Վլադիմիր Կլիչկոն ռեւանշ մենամարտ կանցկացնի Թայսոն Ֆյուրիի հետ
22:22 2 դեկտեմբերի, 2015Ուկրաինացի Վլադիմիր Կլիչկոն կօգտվի բրիտանացի Թայսոն Ֆյուրիի հետ ռեւանշ մենամարտի անցկացման հնարավորությունից եւ կփորձի վերադարձնել պրոֆեսիոնալ բռնցքամարտի գերծանրքաշային կարգում IBF, IBO, WBA, WBO վարկածներով աշխարհի չեմպիոնի կոչումը:
«Ամանորյա նվեր ունեմ Թայսոն Ֆյուրիի եւ բռնցքամարտի բոլոր սիրահարների համար: Ես կօգտվեմ պայմանգրի այն կետից, որը հնարավորություն է տալիս ռեւանշ մենամարտ անցկացնել բրիտանացու դեմ: Մենամարտը նախապատրաստական փուլում է եւ տեղի կունենա 2016-ին»,- Ինստագրամում գրել է Վլադիմիր Կլիչկոն:
Հիշեցնենք, որ Գերմանիայի Դյուսելդորֆ քաղաքում նոյեմբերի 28-ին կայացած մենամարտում Ֆյուրին մրցավարների միաձայն որոշմամբ էր հաղթել 39-ամյա ուկրաինացուն, որը նախորդ անգամ պարտվել էր 11 տարի առաջ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.