Վեյկ Ան Զեեի շախմատային սուպերմրցաշարի բոլոր մասնակիցները
23:14 1 դեկտեմբերի, 2015Հայտնի են դարձել հոլանդական Վեյկ Ան Զեե քաղաքում (արտագնա տուրեր Ուտրեխտում եւ Ամստերդամում) անցկացվելիք շախմատային 78-րդ սուպերմրցաշարի բոլոր մասնակիցները:
Tata Steel Chess 2016-ի 14 մասնակիցների թվում չկա Վեյկ Ան Զեեի սուպերմրցաշարի քառակի հաղթող, Հայաստանի հավաքականի առաջատար Լեւոն Արոնյանը:
Հունվարի 15-ից 31-ը կայանալիք մրցաշարին կմասնակցեն աշխարհի չեմպիոն Մագնուս Կարլսենը (Նորվեգիա), Ֆաբիանո Կարուանան ու Ուեսլի Սոն (երկուսն էլ՝ ԱՄՆ), Դին Լիրենը, Վեյ Ին, Հոու Իֆանը (բոլորն էլ՝ Չինաստան), Անիշ Գիրին, Լյուկ վան Վելին (երկուսն էլ՝ Հոլանդիա), Սերգեյ Կարյակինը (Ռուսաստան), Մայքլ Ադամսը (Անգլիա), Շաքրիյար Մամեդյարովը (Ադրբեջան), Դավիդ Նավարան (Չեխիա), Պավել Էլյանովը (Ուկրաինա) ու Եվգենի Տոմաշեւսկին (Ռուսաստան):
Հիշեցնենք, որ Լեւոն Արոնյանն անցած մրցաշարն ավարտեց 5.5 միավորով եւ լեհ Ռադոսլավ Վոյտաշեկի հետ բաժանեց 9-10-րդ տեղերը: Հայ գրոսմայստերը մրցաշարի գործող հաղթողն էր եւ չպաշտպանեց տիտղոսը: Լեւոն Արոնյանը Վեյկ Ան Զեեում տիտղոս է նվաճել 2007-ին, 2008-ին, 2012-ին եւ 2014-ին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.