NBA. «Գոլդեն Սթեյթի» պատմական ռեկորդը
14:04 25 նոյեմբերի, 2015Բասկետբոլի ազգային ասոցիացիայի (NBA) կանոնավոր առաջնությունում 111:77 հաշվով պարտության մատնելով «Լոս Անջելես Լեյքերսին»՝ «Գոլդեն Սթեյթը» սահմանեց NBA-ի ռեկորդ. լիգայի պատմության մեջ առաջին անգամ թիմը կանոնավոր առաջնություններում երկու մրցաշրջաններում անընդմեջ հաղթանակ է տանում 16 անընդմեջ հանդիպումներում: NBA-ի պատմության մեջ ռեկորդային է նաեւ 16 անընդմեջ հաղթանակներով մեկնարկը մրցաշրջանում:
Նախորդ նվաճումը 15 անընդմեջ հաղթանակն էր: Այդ ցուցանիշը 1948-1949 թվականների մրցաշարջանում ունեցել է «Վաշինգտոն Քեփիթալսը», իսկ 1993-1994 թվականներին՝ «Հյուսթոնը Ռոքեթսը»:
Անցած մրցաշրջանից սկսած «Գոլդեն Սթեյթը» տարել է 20 անընդմեջ հաղթանակ: Դրանից լավ արդյունք ունեցել են «Հյուսթոնը» (22 հաղթանակ՝ 2007-2008թթ. մրցաշրջանում), «Մայամին» (27 հաղթանակ՝ 2012-2013-ին) եւ «Լեյքերսը» (33 հաղթանակ՝ 1971-1972-ին):
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։