Աշխարհի առաջնություն. Վանիկ Ավետիսյանի եւ Իզաբելլա Յայլյանի արդյունքը

11:58   24 նոյեմբերի, 2015

Հյուսթոնում (ԱՄՆ) ընթացող ծանրամարտի աշխարհի առաջնության երկրորդ օրը Հայաստանի ներկայացուցիչներից մրցահարթակ դուրս եկան Վանիկ Ավետիսյանն ու Իզաբելլա Յայլյանը: 69 կգ քաշայինների պայքարում Վանիկ Ավետիսյանը երկամարտի 317 (140+177) կգ արդյունքով գրավեց 12-րդ տեղը:

Կանանց 58 կգ քաշայինների պայքարում Իզաբելլա Յայլյանը 15-րդն էր: Երկամարտում նրա արդյունքն է 201 (89+112) կգ: Հայ մարզուհին հանդես է եկել B խմբում:

Նոյեմբերի 24-25-ին ժամը 03:30-ին մրցահարթակ դուրս կգան 77 կգ քաշայիններ Անդրանիկ Կարապետյանը եւ Տիգրան Մարտիրոսյանը: Նազիկ Ավդալյանը պայքարի մեջ կմտնի նոյեմբերի 26-27-ին ժամը 01:30-ին: Նոյեմբերի 27-28-ին մեդալների համար կպայքարեն 75 կգ քաշային Սոնա Պողոսյանը (ժամը 01:00-ին), իսկ ժամը 03:30-ին` Սիմոն Մարտիրոսյանը (105 կգ): Մրցումային վերջին օրը պայքարի դուրս կգան գերծանր քաշային Գոռ Մինասյանը եւ Ռուբեն Ալեքսանյանը՝ ժամը 01:00, իսկ 03:30-ին՝ Հռիփսիմե Խուրշուդյանը (75 + կգ):



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։