Աննա Գովելյանը՝ Հյուսթոնից. Շատ վատ մասնակցեցի

Աշխարհի առաջնությունում շատ վատ մասնակցեցի, NEWS.am Sport-ի թղթակցի հետ զրույցում ԱՄՆ-ի Հյուսթոն քաղաքից ասաց ծանրամարտի աշխարհի առաջնությունում մրցելույթն ավարտած 53 կգ քաշային Աննա Գովելյանը։

Նոյեմբերի 20-ին Հյուսթոնում մեկնարկած ծանրամարտի աշխարհի առաջնությունում Հայաստանի ներկայացուցիչներից առաջինը մրցահարթակ դուրս եկած Աննա Գովելյանը երկամարտի 170 կգ արդյունքով զբաղեցրեց 28-րդ տեղը։

«Ես ավարտեցի իմ մրցելույթը աշխարհի առաջնությունում, շատ վատ մասնակցեցի»,- նշեց Աննա Գովելյանը, որը հանդես եկավ B խմբում եւ ցույց տվեց 76 կգ արդյունք պոկում եւ 94 կգ՝ հրում վարժությունում։

Աննա Գովելյանը կանանց Հայաստանի թիմի համար օլիմպիական վարկանիշային միավոր չվաստակեց, քանի որ միավորներ տրվում են մինչեւ 25-րդ տեղը զբաղեցնելու դեպքում:

Լուսինե Շահբազյան