Յոզեֆ Բլատեր. Ճնշումն այնքան մեծ էր, որ հայտնվել էի մահվան շեմին
16:12 23 նոյեմբերի, 2015Ֆուտբոլի միջազգային ֆեդերացիայի (ՖԻՖԱ) նախագահի պաշտոնից հեռացող Յոզեֆ Բլատերը պատմել է իր երերուն առողջության մասին:
«Շատ մոտ էի մահվանը: Կարելի է ասել, որ հայտնվել է երգող հրեշտակների եւ դժոխային կրակով սատանայի միջեւ: Ամեն դեպքում, երգում էին հրեշտակները:
Իմ վրա հսկայական ճնշում կար: Եթե դու ունես ուժեղ բանականություն, ապա կարող ես պայքարել դրա դեմ, սակայն մարմինն ինչ-որ պահի կարող է «ոչ» ասել»,- 79-ամյա շվեյցարացու խոսքը մեջբերում է The Guardian-ը:
Հիշեցնենք, որ վերջերս ՖԻՖԱ-ի Էթիկայի կոմիտեն կոռուպցիոն սկանդալի պաշտճառով Բլատերին, ՈւԵՖԱ-ի նախագահ Միշել Պլատինիին եւ ՖԻՖԱ-ի գլխավոր քարտուղար Ժերոմ Վալկեին 90 օրով զրկել էր իրենց լիազորություններից:
Բլատերն իր պաշտոնում կմնա մինչեւ 2016-ի փետրվարի 26-ը, երբ կանցկացվեն ՖԻՖԱ-ի նախագահի արտահերթ ընտրությունները:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.