Ավարտվել է Երեւանի հրաձգության մանկապատանեկան մարզադպրոցի հրաձգության մեծահասակների բաց առաջնությունը, հայտնում է ՀԱՕԿ-ի կայքը:
Օդամղիչ հրացան վարժության տղաների պայքարում հաղթել է Հրաչիկ Բաբայանը, որին հաջորդեել են Սուրեն Բերյանը եւ Հայկ Բաբայանը: Նույն վարժության աղջիկների պայքարում լավագույն եռյակը հետեւյալն էր՝ Սվետլանա Տիգրանյան, Մարիամ Միքայելյան, Սուսաննա Հովհաննիսյան: Օդամղիչ ատրճանակ վարժության տղաների չեմպիոն դարձավ Զավեն Իգիթյանը, իսկ աղջիկների պայքարում լավագույնն էր Էլմիրա Կարապետյանը: Օդամղիչ հրացան` վազող թիրախ, նորմալ վազք տղաների վարժությանում լավագույն արդյունք գրանցեց Ռազմիկ Մինասյանը, իսկ աղջիկներից՝ Լիլիթ Մկրտչյանը:
Առաջնությանը մասնակցում էին 63 մարզիկներ` Երեւանից, Գյումրիից եւ Վանաձորից:
Մրցաշարից հետո Հայաստանի հրաձգության ֆեդերացիան հրապարակել է 2016թ. հունվարին Մյունխենում կայանալիք միջազգային մրցաշարի մասնակիցների անունները: Գերմանիայում հանդես կգան՝ Հրաչիկ Բաբայանը, Սուրեն Բերյանը, Վրեժ Թորոսյանը, Հայկ Բաբայանը, Մարիամ Միքայելյանը (հրացան), Զավեն Իգիթյանը, Բենիկ Խլղաթյանը, Էլմիրա Կարապետյանը (ատրճանակ)
Ֆոտո՝ ՀԱՕԿ
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։