Ռուսաստանի հավաքականը` շախմատի Եվրոպայի չեմպիոն
18:44 22 նոյեմբերի, 2015Շախմատի Ռուսաստանի հավաքականը (Պյոտր Սվիդլեր, Ալեքսանդր Գրիշչուկ, Եվգենի Տոմաշեւսկի, Յան Նեպոմնյաշչի, Դմիտրի Յակովենկո) դարձավ 2015թ. Եվրոպայի չեմպիոն: Իսլանդիայի մայրաքաղաք Ռեյկյավիկում ավարտին մոտեցող շախմատի Եվրոպայի թիմային առաջնության վերջին՝ 9-րդ տուրում ռուսները հանդիպեցին երկրորդ տեղում գտնվող Հունգարիայի հետ եւ մրցամարտն ավարտեցին ոչ ոքի՝ 2:2:
Ռուսաստանի հավաքականը վաստակեց 15 միավոր եւ ապահովեց առաջին տեղը: Հունգարացիներն ունեն 13 միավոր եւ ընթացիկ երկրորդ տեղում են:
11 միավոր ունեցող Հայաստանի հավաքականը մրցում է Վրաստանի թիմի հետ եւ 3 պարտիաներից հետո հաղթում է 2:1 հաշվով: Հայաստանի թիմի առաջատար Լեւոն Արոնյանը սպիտակներով հաղթել է Բահադուր Ջոբավային, Գաբրիել Սարգսյանը սեւերով ոչ ոքի է խաղացել Միխեիլ Մչեդիշվիլու հետ, իսկ Հրանտ Մելքումյանը սեւերով միավորը կիսել է Մերաբ Գագունաշվիլիի հետ: Սերգեյ Մովսեսյանը դեռ չի ավարտել պարտիան եւ սպիտակներով մրցում է Լուկա Պաիչաձեի հետ:
Այս տարի Եվրոպայի չեմպիոնի տիտղոսը պաշտպանում էին ադրբեջանցիները, իսկ ռուսները նախորդ առաջնությունում նվաճել էին բրոնզե մեդալ: Ռուսաստանի հավաքականը նախորդ անգամ Եվրոպայի չեմպիոն դարձել էր 2007-ին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.